КАЗГЮУ Университетінде ҚР Тәуелсіздігін мерекелеу аясында Республикалық нотариаттық палатаның атаулы аудиториясының ресми ашылу салтанаты өтті.
Аудиторияның ашылу салтанатына РНП төрағасы Әсел Жанәбілова, КАЗГЮУ Университетінің Құқық жоғары мектебінің директоры Сергей Пен, еліміздің бірқатар мемлекеттік құрылымдарының өкілдері, сондай-ақ университет студенттері мен оқытушылары қатысты.
РНП төрағасы Ә. Жанәбілова өзінің алғы сөзінде еліміздің жетекші заңгерлік оқу орнымен көп уақыттан бері жалғасып келе жатқан ынтымақтастығының мәртебесін ерекше белгіледі, оның төңірегінде Республикалық нотариаттық палата жоғары білікті кадрларды даярлау процесіне өзінің үлесін қосуда.
«Республикалық палата тарапынан дарынды жастарды қолдау білім беру деңгейін арттыруға және КАЗГЮУ студенттерін тиімді оқыту процесіне ықпал ететіндігіне сенімдімін, мүмкін, болашақта олар біздің әріптестеріміз, Нотариаттық палатаның мүшелері болмақ», -деп Республикалық нотариаттық палатаның төрағасы белгіледі.
Қазіргі уақытта университетте 7 атаулы аудитория қызмет етуде, бұл аудиторияларда «Эндаумент КАЗГЮУ» КҚ әріптестері мен демеушілері іскерлік форматтағы іс-шараларды өткізе алады, сондай-ақ студенттердің алдында дәріс оқу мүмкіндіктері бар.
Осыған дейін хабарланғандай, Корпоративтік Қор заңгерлік оқу орнында білім алуға қаржылай мүмкіндігі жоқ дарынды жастарды қолдау үшін әрқашан ашық. Тек үстіміздегі жылы демеушілердің, Қордың ресми әріптестерінің спонсорлық көмегі арқасында жиырма шақты балаға тегін оқу гранттары табысталды.
Оған қоса, жыл сайын КАЗГЮУ Университеті оқу кезінде өздерін жақсы жағынан көрсете білген дарынды студенттерге білім гранттарын және атаулы стипендияларды ұсыну үшін 80 млн. теңге өз қаражатын жұмсайды.
Осылайша, еліміздің жетекші заңгерлік жоғары оқу орны барлық қазақстандықтарға сапалы әрі қолжетімді білім ұсыну бойынша миссиясын біртіндеп жүзеге асыруда.